Klassísk ráðgáta í anda Agöthu Christie í nýrri rómantískri spennusögu Hugrúnar Björnsdóttur
Hugrún Björnsdóttir snýr aftur með Milli ástar og haturs, nýja spennusögu um réttarsálfræðinginn Kamillu Brim. Að þessu sinni leiðir rannsókn hennar lesendur inn í rómantíska spennusögu í anda klassískra ráðgátusagna þar sem vinátta, ást og gömul leyndarmál fléttast saman og enginn virðist vera hafinn yfir grun.
Þegar vinahópur kemur saman á ný eftir mörg ár tekur kvöldið óvænta stefnu. Endurfundirnir hljóta skyndilegan endi þegar Sunneva fellur fram af svölum á efri hæð hússins. Lögreglan kallar réttarsálfræðinginn Kamillu Brim til aðstoðar við rannsókn málsins. Í ljós kemur að undir vináttunni krauma ólgandi ástríður, leyndarmál og svik sem eiga rætur langt aftur í tímann og hafa risið upp á yfirborðið. Datt Sunneva fram af svölunum? Lét hún sig falla? Eða var henni hrint?
Samhliða rannsókninni stígur Kamilla fyrstu skrefin í nýju sambandi og tekst um leið á við eigin fortíð og leyndarmál fjölskyldunnar.
„Bókin er nokkurs konar whodunit í anda Agöthu Christie þar sem hópur fólks er samankominn á sama stað, á sama tíma, og fleiri en einn hefur mótíf. Sagan um Rómeó og Júlíu var mér líka hugleikin og þetta er svona mín útgáfa af þeirri sögu. Eins og í fyrri bókum er tveimur andstæðum blandað saman; ljótleika glæpa og fegurð ástarinnar og skoðað hvers vegna gott fólk gerir stundum slæma hluti.
Ég lít jafnframt á seríuna sem ákveðinn heiður til Gísla Guðjónssonar, okkar þekktasta réttarsálfræðings og brautryðjanda í faginu,“ segir Hugrún Björnsdóttir.
Hugrún Björnsdóttir vakti athygli með fyrstu spennusögu sinni, Rót alls ills, og fylgdi henni eftir með Uns dauðinn aðskilur okkur, sem nutu báðar mikilla vinsælda á Storytel. Milli ástar og haturs er þriðja bókin um réttarsálfræðinginn Kamillu Brim. Með bókunum hefur Hugrún skapað sér sérstöðu með því að sameina sálfræðilega spennu, rómantík og áleitnar spurningar um mannlegt eðli og réttlæti.
Milli ástar og haturs er fáanleg bæði sem hljóðbók í lestri Haraldar Ara Stefánssonar og Berglindar Öldu Ástþórsdóttur, og sem rafbók í Storytel.
Nýjustu fréttir
Frjálsar fæðingar innblástur að nýrri íslenskri spennusögu frá Sjöfn Asare
Hvað gerist þegar leit að fullkominni fæðingarupplifun verður hættuleg? Þessari spurningu veltir Sjöfn Asare upp í Fylgjumst að, nýrri spennusögu sem sækir innblástur í umræðu um freebirth-hreyfinguna og þau áhrif sem netsamfélög geta haft á fólk á viðkvæmum tímum.
Kynning á Storytel Pulse fyrir íslenskum rithöfundum
Storytel bauð nýverið íslenskum rithöfundum á morgunverðarkynningu þar sem nýi vettvangurinn Storytel Pulse var kynntur. Pulse veitir höfundum aðgang að innsýn um hvernig lesendur og hlustendur njóta bóka þeirra á Storytel og er ætlað að styðja við upplýstari ákvarðanatöku og dýpri tengsl við lesendahópinn.
Storytel Pulse: Rauntímagögn og innsýn fyrir höfunda
Storytel Pulse er nýr vettvangur sem gefur höfundum innsýn í lestur og hlustun á eigin bækur í rauntíma á einfaldan og sjónrænan hátt. Þar geta bæði nýir og reyndir höfundar fylgst með því hvernig bækur þeirra eru að standa sig, nánast á meðan lestur og hlustun á sér stað. Storytel Pulse hefur verið þróað í nánu samstarfi við höfunda og byggir á áhuga þeirra að fá skýrari innsýn í hvernig bækur lifa hjá lesendum og hlustendum.
Storytel kynnir nýja eiginleika í appinu sem hjálpa hlustendum að komast aftur í söguna.
Storytel er sífellt að þróa nýja eiginleika út frá hlustunarvenjum notenda til að gera upplifunina einfaldari og þægilegri. Nýjustu eiginleikarnir í appinu, Recap og Sleep Timer Recap, hjálpa notendum að rifja upp söguþráðinn og halda áfram þar sem frá var horfið, hvort sem hléið var í nokkra daga eða ef sofnað var í miðjum kafla.
Litla-Kló er fyrsta barnabók Díönu Sjafnar Jóhannsdóttur
Barnabókin Litla-Kló er hjartnæm og falleg saga um vináttu, drauma og leyndarmál og hversu erfitt það getur stundum reynst okkur að breyta rétt.
Niðurstöður Söguáskorunar Storytel
Söguáskorun Storytel 2026 er nú lokið. Við viljum þakka öllum sem tóku þátt fyrir frábærar viðtökur og fjölbreytt handrit. Það er greinilegt að mikill áhugi á sagnagerð og að margir búa yfir sterkum hugmyndum og sköpunarkrafti. Eftir vandlega yfirferð dómnefndar hefur verið tekin sú ákvörðun að veita ekki útgáfusamning að þessu sinni. Engu að síður bárust okkur áhugaverðar hugmyndir og greinilegt er að mikil frásagnargleði býr í unga fólkinu okkar á íslandi.
Bestu hljóðbækur ársins verðlaunaðar!
Mikil stemming var á Parliament hótelinu þriðjudaginn 17. mars þegar Íslensku hljóðbókaverðlaunin voru veitt við hátíðlega athöfn í sjöunda sinn. Meðal sigurvegara var hinn ungi og efnilegi rithöfundur Embla Bachmann, Glæpadrottning Satu Rämö auk þess sem leikarinn Bjarni Snæbjörnsson hlaut verðlaun fyrir sjálfsævisögu sína Mennsku. Verðlaunin hafa verið veitt árlega frá árinu 2020 og eru orðinn fastur hápunktur íslensks hljóðbókaárs. Þar komu saman höfundar, lesarar, útgefendur og aðrir aðstandendur bókmennta til að fagna framúrskarandi hljóðbókaútgáfu síðasta árs. Veitt voru verðlaun í fimm flokkum auk sérstakra heiðursverðlauna.
Tilnefningar til íslensku hljóðbókaverðlaunanna 2026
Hér má sjá þær 25 hljóðbækur sem hljóta tilnefningu til Íslensku hljóðbókaverðlaunanna Storytel Awards 2026. Verðlaunin eru veitt í fimm flokkum og fimm hljóðbækur eru tilnefndar í hverjum flokki: börn og ungmenni, glæpa og spennusögur, skáldsögur, ljúflestur og rómantík og óskáldað efni.
Kosning hafin fyrir Íslensku hljóðbókaverðlaunin - Veldu bestu hljóðbækur ársins!
Nú hefur almenningur tækifæri til að kjósa sína eftirlætis hljóðbók í forvali fyrir Íslensku hljóðbókaverðlaunin – árlega uppskeruhátíð sem heiðrar höfunda og lesara framúrskarandi íslenskra hljóðbóka frá liðnu ári.
Söguáskorun Storytel: Bók fyrir ungmenni, skrifuð af ungmenni.
Nú á nýju ári ætlar Storytel að standa fyrir nýrri söguáskorun fyrir krakka á aldrinum 12-17 ára. Markmiðið er að hvetja sem flesta til að skapa og skrifa eigin sögur. Áskorunin er frábært tækifæri fyrir unga höfunda til að þróa hugmynd í heilsteypta sögu og eiga möguleika á að sjá hana verða að útgefnu verki, bæði sem rafbók og hljóðbók. Öllum krökkum á aldrinum 12-17 er velkomið að taka þátt en skilafrestur er til og með 15. mars næstkomandi.
Upplestur á aðventunni
Á aðventunni styrkti Storytel nokkur dvalar- og hjúkrunarheimili aldraðra til að greiða rithöfundum fyrir að koma og lesa fyrir íbúana. Mikil eftirspurn var eftir því að fá upplestur og góður rómur gerður að verkefninu hjá íbúum sem eru að sögn starfsfólks margir duglegir að lesa eða hlusta á bækur. Upplestur bóka fyrir ýmsa hópa fólks er ríkur þáttur í íslenskri bókmenntahefð og viljum við leggja okkar af mörkum við að halda í þessa fallegu íslensku hefð, efla hana og tryggja að hún nái til fleiri, ekki síst þeirra sem hafa takmarkaðri aðgang að menningarviðburðum. Á meðfylgjandi mynd má sjá þegar Dagur Hjartarson rithöfundur heimsótti hjúkrunarheimilið Droplaugarstaði 16. desember sl. og las úr nýútkominni bók sinni Frumbyrjur, sem vakti mikla lukku meðal dvalargesta og starfmanna.
Hlustaðu og lestu á sama tíma! Nýr eiginleiki í appinu
Storytel hefur opnað nýjan möguleika fyrir íslenska lesendur sem felst í því að geta lesið texta rafbókar og hlustað á hljóðbók samtímis. Lengi hefur verið kallað eftir þessum möguleika hér á landi en hann getur hjálpað fólki að halda athygli og dýpka lesskilning og er mikilvægur fyrir þá sem eiga erfitt með lestur.
Persónuleg saga Birgittu H. Halldórsdóttur um ást, sorg og von
Með nýjustu bók sinni, Síðan hittumst við aftur, slær rithöfundurinn og bóndinn Birgitta H. Halldórsdóttir nýjan streng, persónulegan og einlægan tón sem nær djúpt til allra sem hlusta. Í bókinni opnar hún hjarta sitt og miðlar reynslu sinni af ást, missi og leiðinni í gegnum sorgina eftir skyndilegt áfall.
Sígildir sveitarómansar Ingibjargar Sigurðardóttur koma út á Storytel
Í tilefni þess að rithöfundurinn Ingibjörg Sigurðardóttir hefði orðið 100 ára sunnudaginn 17. ágúst, kemur skáldsaga hennar, Ást og hatur út í hljóðbókarformi á Storytel.
Símon segir. Ný glæpasaga frá Önnu Margréti Sigurðardóttur.
Símon segir eftir Önnu Margréti Sigurðardóttur er spennandi íslensk glæpasaga. Þetta er fjórða bókin í vinsæla bókaflokknum um rannsóknarlögregluteymið Bergþóru og Jakob. Áður hafa komið út bækurnar Hringferðin, Örvænting og Öskrið.
