Persónuleg saga Birgittu H. Halldórsdóttur um ást, sorg og von
16 september 2025 - Síðast uppfært 16 janúar 2026
Með nýjustu bók sinni, Síðan hittumst við aftur, slær rithöfundurinn og bóndinn Birgitta H. Halldórsdóttir nýjan streng, persónulegan og einlægan tón sem nær djúpt til allra sem hlusta. Í bókinni opnar hún hjarta sitt og miðlar reynslu sinni af ást, missi og leiðinni í gegnum sorgina eftir skyndilegt áfall.
Síðan hittumst við aftur
Með nýjustu bók sinni, Síðan hittumst við aftur, slær rithöfundurinn Birgitta H. Halldórsdóttir nýjan streng, persónulegan og einlægan tón sem nær djúpt til allra sem hlusta. Í bókinni opnar hún hjarta sitt og miðlar reynslu sinni af ást, missi og leiðinni í gegnum sorgina eftir skyndilegt áfall.
Skyndilegt áfall 2021
Árið 2021 missti Birgitta eiginmann sinn með óvæntum hætti og hóf að skrá hugsanir sínar og tilfinningar um lífið, dauðann og tilveruna. Útkoman er berorð og áhrifamikil frásögn af sorginni, en líka minningum um ástmann, sálufélaga og vin. Minningar um manninn sem var henni allt. Leikkonan Aníta Briem ljær sögunni líf með hlýjum og áhrifamiklum lestri sem fangar bæði sársauka og fegurð frásagnarinnar.
Rithöfundurinn og bóndinn Birgitta
Birgitta fæddist að Eldjárnsstöðum í Blöndudal og ólst upp að Syðri-Löngumýri. Hún gekk í Húnavallaskóla og lauk síðar landsprófi frá Héraðsskólanum að Laugarvatni. Birgitta og eiginmaður hennar heitinn, Sigurður Ingi Guðmundsson bjuggu fyrstu búskaparárin á Leifsstöðum og síðar að Syðri-Löngumýri þar sem þau ráku saman bú.
Birgitta hefur áratugum saman vakið athygli fyrir rómantískar glæpasögur og sögulegar skáldsögur sem heillað hafa kynslóðir. Síðasta skáldsaga hennar, Undir óskasólu, naut mikilla vinsælda meðal hlustenda Storytel. Bókin, sem kom út í janúar 2025, er sjálfstætt framhald hinnar geysivinsælu Dætur regnbogans sem kom út 30 árum áður. Bækur Birgittu hafa undanfarið ár hlotið endurnýjun lífdaga á Storytel og í kjölfarið hafa margir bæst í aðdáendahóp hennar.
Síðan hittumst við aftur á Storytel
Fyrri viðtöl, umfjallanir og ritferill Birgittu
- „Sögur Birgittu H. Halldórsdóttur hljóta endurnýjun lífdaga á Storytel“ - frétt á Storytel.com
- „Ég er búin að komast að því að minnimáttarkenndin var kannski óþarfi“ - Segðu mér á Rás 1
- Konur með dulræna hæfileika“ - Menningin á mbl.is
- „Fyrsti sakamálahöfundurinn“ - Skáld.is
- „Ný bók eftir tuttugu ár “- Skáld.is
- Ritaskrá - Skáld.is
Nýjustu fréttir
Tilnefningar til íslensku hljóðbókaverðlaunanna 2026
Hér má sjá þær 25 hljóðbækur sem hljóta tilnefningu til Íslensku hljóðbókaverðlaunanna Storytel Awards 2026. Verðlaunin eru veitt í fimm flokkum og fimm hljóðbækur eru tilnefndar í hverjum flokki: börn og ungmenni, glæpa og spennusögur, skáldsögur, ljúflestur og rómantík og óskáldað efni.
Kosning hafin fyrir Íslensku hljóðbókaverðlaunin - Veldu bestu hljóðbækur ársins!
Nú hefur almenningur tækifæri til að kjósa sína eftirlætis hljóðbók í forvali fyrir Íslensku hljóðbókaverðlaunin – árlega uppskeruhátíð sem heiðrar höfunda og lesara framúrskarandi íslenskra hljóðbóka frá liðnu ári.
Söguáskorun Storytel: Bók fyrir ungmenni, skrifuð af ungmenni.
Nú á nýju ári ætlar Storytel að standa fyrir nýrri söguáskorun fyrir krakka á aldrinum 12-17 ára. Markmiðið er að hvetja sem flesta til að skapa og skrifa eigin sögur. Áskorunin er frábært tækifæri fyrir unga höfunda til að þróa hugmynd í heilsteypta sögu og eiga möguleika á að sjá hana verða að útgefnu verki, bæði sem rafbók og hljóðbók. Öllum krökkum á aldrinum 12-17 er velkomið að taka þátt en skilafrestur er til og með 15. mars næstkomandi.
Upplestur á aðventunni
Á aðventunni styrkti Storytel nokkur dvalar- og hjúkrunarheimili aldraðra til að greiða rithöfundum fyrir að koma og lesa fyrir íbúana. Mikil eftirspurn var eftir því að fá upplestur og góður rómur gerður að verkefninu hjá íbúum sem eru að sögn starfsfólks margir duglegir að lesa eða hlusta á bækur. Upplestur bóka fyrir ýmsa hópa fólks er ríkur þáttur í íslenskri bókmenntahefð og viljum við leggja okkar af mörkum við að halda í þessa fallegu íslensku hefð, efla hana og tryggja að hún nái til fleiri, ekki síst þeirra sem hafa takmarkaðri aðgang að menningarviðburðum. Á meðfylgjandi mynd má sjá þegar Dagur Hjartarson rithöfundur heimsótti hjúkrunarheimilið Droplaugarstaði 16. desember sl. og las úr nýútkominni bók sinni Frumbyrjur, sem vakti mikla lukku meðal dvalargesta og starfmanna.
Hlustaðu og lestu á sama tíma! Nýr eiginleiki í appinu
Storytel hefur opnað nýjan möguleika fyrir íslenska lesendur sem felst í því að geta lesið texta rafbókar og hlustað á hljóðbók samtímis. Lengi hefur verið kallað eftir þessum möguleika hér á landi en hann getur hjálpað fólki að halda athygli og dýpka lesskilning og er mikilvægur fyrir þá sem eiga erfitt með lestur.
Sígildir sveitarómansar Ingibjargar Sigurðardóttur koma út á Storytel
Í tilefni þess að rithöfundurinn Ingibjörg Sigurðardóttir hefði orðið 100 ára sunnudaginn 17. ágúst, kemur skáldsaga hennar, Ást og hatur út í hljóðbókarformi á Storytel.
Símon segir. Ný glæpasaga frá Önnu Margréti Sigurðardóttur.
Símon segir eftir Önnu Margréti Sigurðardóttur er spennandi íslensk glæpasaga. Þetta er fjórða bókin í vinsæla bókaflokknum um rannsóknarlögregluteymið Bergþóru og Jakob. Áður hafa komið út bækurnar Hringferðin, Örvænting og Öskrið.
Hvað gerist þegar nýskilin miðaldra kona með stórt skap arkar ákveðin út á stefnumótamarkað 21. aldarinnar?
Dagbók miðaldra unglings eftir Sigrúnu Elíasdóttur er gamansöm skáldsaga um blákaldan veruleika konu sem þarf að finna sig á nýjan leik. Sigrún er einna helst þekkt fyrir ljúflestrarbækurnar um Eyrarvík og hlaðvarpið Myrka Ísland, þar sem skuggahliðar Íslandssögunnar eru skoðaðar.
Ný glæpasaga Hugrúnar Björnsdóttur: Uns dauðinn aðskilur okkur.
Uns dauðinn aðskilur okkur er önnur bók Hugrúnar Björnsdóttur um réttarsálfræðinginn Kamillu Brim. Kamilla stendur frammi fyrir flóknu máli. Ungur maður kærir konu fyrir kynferðisbrot og samband þeirra reynist flóknara en virðist við fyrstu sýn.
Steindór Ívarsson snýr aftur með áhrifamikla örlagasögu
Steindór snýr nú aftur með nýja bók á Storytel, að þessu sinni örlagasögu sem dregur upp áhrifamikla mynd af lífum tveggja kvenna sem tvinnast saman á óvæntan hátt. Bókin ber titilinn Sálarstríð og er falleg, dramatísk og mannleg saga þar sem upp koma leyndarmál sem fylgja fólki út lífið. Þetta er saga um tengsl, brot, endurkomu og endurlausn. Steindór bregður hér upp sterkum kvenpersónum sem fá að blómstra í miðju sögunnar, hver með sína sögu, en saman verður úr því áhrifarík heild sem lætur engan ósnortinn.
Sögur fyrir páskafríið
Páskarnir eru fríið þar sem það er fullkomlega í lagi að gera ekkert. Dagarnir verða aðeins lengri, kaffibollinn aðeins notalegri – og þú færð loksins smá stund fyrir þig. Hvort sem þú ætlar að slaka á heima, fara í bústað eða njóta páskana með fjölskyldunni, þá er fátt betra en góð saga með súkkulaðinu. Hér eru sögur á Storytel sem henta fullkomlega í páskastemmningu – allt frá spennandi glæpasögum, grípandi sönnum sögum, hjartnæmum skáldsögum og ævintýrum fyrir börnin. Þú þarft bara að finna þína sögu, hlusta, og njóta.
Konur áttu sviðið á Íslensku hljóðbókaverðlaununum
Mikil kvenorka var á Nasa þegar Íslensku hljóðbókaverðlaunin - Storytel Awards voru afhent, en í fyrsta sinn voru allir verðlaunahöfundar, verðlaunalesarar og heiðursverðlaunahafar konur Verðlaunin voru veitt í fimm flokkum: skáldsaga, ljúflestur og rómantík, börn og ungmenni, óskáldað efni og glæpa- og spennusaga.
Tilnefningar til Íslensku hljóðbókaverðlaunanna 2025
25 hljóðbækur hljóta tilnefningu til Íslensku hljóðbókaverðlaunanna - Storytel Awards 2025. Fimm hljóðbækur eru tilnefndar í fimm flokkum, en flokkarnir eru: börn og ungmenni, glæpa-og spennusögur, skáldsögur, ljúflestur og rómantík, og óskáldað efni.
Sögur Birgittu H. Halldórsdóttur hljóta endurnýjun lífdaga á Storytel!
Birgitta H. Halldórsdóttir skipar sér enn á ný í hóp ástsælustu skáldsagnahöfunda Íslands en bækur hennar hafa haldið fjölda lesenda í greipum spennu og losta, ástar og örlaga áratugum saman. Fyrsta bók hennar kom út árið 1983 en bækur hennar hafa verið ófáanlegar í bókabúðum um árabil. Storytel hefur nýverið endurútgefið fjölda bóka Birgittu sem hljóðbækur sem hafa raðað sér efstar á vinsældalista og hlotið gríðarlega góðar viðtökur og umsagnir hlustenda.
Kosning hafin fyrir Íslensku hljóðbókaverðlaunin
Veldu bestu hljóðbækur ársins!
