Steindór Ívarsson snýr aftur með áhrifamikla örlagasögu
16 júní 2025 - Síðast uppfært 20 júní 2025
Steindór snýr nú aftur með nýja bók á Storytel, að þessu sinni örlagasögu sem dregur upp áhrifamikla mynd af lífum tveggja kvenna sem tvinnast saman á óvæntan hátt. Bókin ber titilinn Sálarstríð og er falleg, dramatísk og mannleg saga þar sem upp koma leyndarmál sem fylgja fólki út lífið. Þetta er saga um tengsl, brot, endurkomu og endurlausn. Steindór bregður hér upp sterkum kvenpersónum sem fá að blómstra í miðju sögunnar, hver með sína sögu, en saman verður úr því áhrifarík heild sem lætur engan ósnortinn.
Sagan er sú þriðja í Sálarseríunni, svokölluðu, en áður hafa komið út Sálarhlekkir og Sálarangist. Bækurnar eru allar sjálfstæðar en eiga það sameiginlegt að segja sögur vistmanna á hjúkrunarheimili þar sem saman hverfist fortíð þeirra við samtímann og leyndarmál sem lengi hafa verið falin líta dagsins ljós.
Einn af áhugaverðustu höfundum samtímans með breitt verksvið
Steindór hefur á síðustu árum skapað sér sterk spor í íslenskum bókmenntum með fjölbreyttum verkum sem hafa notið mikilla vinsælda. Hann hefur tvisvar hlotið tilnefningu til íslensku glæpasagnaverðlaunanna Blóðdropans, en verk hans spanna vítt svið: frá ljóðum og smásögum yfir í glæpasögur og djúpar skáldsögur um mannlegt eðli og sambönd.
Sérstaða hans felst í áherslunni á hljóðbókaformið – öll hans nýjustu verk hafa verið skrifuð sérstaklega fyrir hljóðform sem frumútgáfu í samstarfi við Storytel. Það hefur veitt honum einstakt tækifæri til að kanna nýjar leiðir í frásagnarlist, ná til breiðari hóps lesenda og ná að taka virkan þátt í umbreytingum íslenskrar bókaútgáfu á stafrænum tímum. Hann hefur auk þess afrekað það undanfarin tvö ár að skrifa og gefa út tvær bækur á ári; skáldsögu að sumri til og glæpasögu að hausti, og verður árið 2025 engin undantekning á því þar sem von er á þriðju glæpasögunni um rannsóknarlögreglukonuna Rúnu í október.
Meðal helstu verka Steindórs eru:
- Þegar fennir í sporin (2021): Um áhrif fortíðar á nútímann með dramatískum vendingum.
- Sálarhlekkir (2022): Saga konu sem á ævikvöldi sínu horfist í augu við myrk leyndarmál.
- Blóðmeri (2023): Fyrsta glæpasaga Steindórs sem sló í gegn og fékk tilnefningu til Blóðdropans, íslensku glæpasagnaverðlaunanna.
- Sálarangist (2024): Saga um flókin mannleg samskipti og tilfinningar.
- Völundur (2024): Óbeint framhald af Blóðmeri og hlaut einnig tilnefningu til Blóðdropans.
Annað sem gerir feril Steindórs áhugaverðan er sú staðreynd að hann var 58 ára þegar hann sló í gegn er bók hans Þegar fennir í sporin kom út sem hljóðbók og fann sinn lesendahóp. Síðan þá hefur leiðin bara legið upp á við fyrir þennan fjölhæfa og hæfileikaríka höfund.
Steindór Ívarsson er lifandi dæmi um hvernig rithöfundar geta nýtt sér nýja miðla og tækni til að ná lengra með verk sín. Verk hans halda áfram að auðga íslenskt bókmenntalíf og heilla bæði gamla og nýja lesendur. Með skapandi nálgun og djúpum frásögnum hefur hann haslað sér völl sem einn af vinsælustu höfundum samtímans.
Nýjustu fréttir
Sögur fyrir páskafríið
Páskarnir eru fríið þar sem það er fullkomlega í lagi að gera ekkert. Dagarnir verða aðeins lengri, kaffibollinn aðeins notalegri – og þú færð loksins smá stund fyrir þig. Hvort sem þú ætlar að slaka á heima, fara í bústað eða njóta páskana með fjölskyldunni, þá er fátt betra en góð saga með súkkulaðinu. Hér eru sögur á Storytel sem henta fullkomlega í páskastemmningu – allt frá spennandi glæpasögum, grípandi sönnum sögum, hjartnæmum skáldsögum og ævintýrum fyrir börnin. Þú þarft bara að finna þína sögu, hlusta, og njóta.
Konur áttu sviðið á Íslensku hljóðbókaverðlaununum
Mikil kvenorka var á Nasa þegar Íslensku hljóðbókaverðlaunin - Storytel Awards voru afhent, en í fyrsta sinn voru allir verðlaunahöfundar, verðlaunalesarar og heiðursverðlaunahafar konur Verðlaunin voru veitt í fimm flokkum: skáldsaga, ljúflestur og rómantík, börn og ungmenni, óskáldað efni og glæpa- og spennusaga.
Tilnefningar til Íslensku hljóðbókaverðlaunanna 2025
25 hljóðbækur hljóta tilnefningu til Íslensku hljóðbókaverðlaunanna - Storytel Awards 2025. Fimm hljóðbækur eru tilnefndar í fimm flokkum, en flokkarnir eru: börn og ungmenni, glæpa-og spennusögur, skáldsögur, ljúflestur og rómantík, og óskáldað efni.
Sögur Birgittu H. Halldórsdóttur hljóta endurnýjun lífdaga á Storytel!
Birgitta H. Halldórsdóttir skipar sér enn á ný í hóp ástsælustu skáldsagnahöfunda Íslands en bækur hennar hafa haldið fjölda lesenda í greipum spennu og losta, ástar og örlaga áratugum saman. Fyrsta bók hennar kom út árið 1983 en bækur hennar hafa verið ófáanlegar í bókabúðum um árabil. Storytel hefur nýverið endurútgefið fjölda bóka Birgittu sem hljóðbækur sem hafa raðað sér efstar á vinsældalista og hlotið gríðarlega góðar viðtökur og umsagnir hlustenda.
Kosning hafin fyrir Íslensku hljóðbókaverðlaunin
Veldu bestu hljóðbækur ársins!
Völundur og Brúðumeistarinn hljóta tilnefningu til Blóðdropans!
Storytel Original bækurnar Völundur eftir Steindór Ívarsson og Brúðumeistarinn eftir Óskar Guðmundsson hlutu tilnefningu til íslensku glæpasagnaverðlaunanna Blóðdropans 2024. Óskar hefur áður hlotið Blóðdropann fyrir bók sína Hilmu og Steindór hlaut í tilnefningu fyrir Blóðmeri 2023, en Völundur er seinni bókin í sömu seríu.
Emil Hjörvar lýkur þríleiknum Myrkaverk
Emil Hjörvar Petersen hefur sannað sig sem sagnameistari hins undarlega og óhugnanlega, með verkum á borð við Hælið, Ó, Karítas og bókaflokknum Handan Hulunnar um mæðgurnar Bergrúnu og Brá. Nýjasta bók hans, Náttfarar er hörkuspennandi, hrollvekjandi og dulmagnaður spennutryllir sem fylgir eftir hinum geysivinsælu Dauðaleit og Bannhelgi og lýkur þríleiknum Myrkraverk. Hér sem fyrr í frábærum lestri Hjartar Jóhanns Jónssonar.
Hrekkjavökur eftir Braga Pál og Bergþóru er fyrsta bók þeirra hjóna saman!
Hjónin Bergþóra Snæbjörnsdóttir og Bragi Páll Sigurðarson hafa um nokkuð skeið gefið út hvassar og hárbeittar skáldsögur og háðsádeilur. Hún skrifar til dæmis um fegurðardýrkun í nútímasamfélagi og hann skáldar upp ótímabæran dauðdaga Arnaldar Indriðasonar. En kvöld eitt þegar þau ætluðu að koma krökkunum í háttinn ráku þau sig á að börnin þeirra eru bara ekki hrædd við nokkurn skapaðan hlut og brugðu því á það ráð að reyna nú að skjóta þeim skelk í bringu. Þau ákváðu því að skrifa hrollvekjandi hrekkjavökusögur fyrir hugrökk börn.
Rót alls ills: ný rómantísk spennusaga eftir Hugrúnu Björnsdóttir
Rómantísk spennusaga þar sem glæpir, ástir og örlög fléttast saman og flett er ofan af gömlum fjölskylduleyndarmálum. Rót alls ills er fyrsta skáldsaga Hugrúnar Björnsdóttur. Hugrún er vefstjóri Lestrarklefans og starfar sem verkefnastjóri í hugbúnaðargeiranum. Hugrún er fædd 1988 og er menntuð í stjórnmálafræði, blaðamennsku, vefþróun og verkefnastjórnun. Yfirleitt er hún að lesa nokkrar bækur í senn; u.þ.b. þrjár fræðibækur fyrir hverja skáldsögu. Hvað varðar skáldsögurnar les hún mest af glæpasögum/ráðgátum og ástarsögum þó hún hafi gaman af allskonar bókmenntum.
