Sögur fyrir páskafríið
15 apríl 2025 - Síðast uppfært 30 apríl 2025
Páskarnir eru fríið þar sem það er fullkomlega í lagi að gera ekkert. Dagarnir verða aðeins lengri, kaffibollinn aðeins notalegri – og þú færð loksins smá stund fyrir þig.
Hvort sem þú ætlar að slaka á heima, fara í bústað eða njóta páskana með fjölskyldunni, þá er fátt betra en góð saga með súkkulaðinu. Hér eru sögur á Storytel sem henta fullkomlega í páskastemmningu – allt frá spennandi glæpasögum, grípandi sönnum sögum, hjartnæmum skáldsögum og ævintýrum fyrir börnin. Þú þarft bara að finna þína sögu, hlusta, og njóta.
Spennandi páskakrimmar
Vetrarborgin eftir Arnald Indriðason. Glæpasögurnar um leynilögreglumanninn Erlend hafa notið gríðarlegrar hylli hjá Íslendingum sem og víða um heim. Vetrarborgin er nýjasta hljóðbókin í seríunni frá konungi krimmanna.
DNA: 112 Reykjavík eftir Yrsu Sigurðardóttur. Sagan sem lifnar við á skjánum. Hitaðu upp fyrir sjónvarpsþáttaröðina Reykjavík 112 sem verður frumsýnd um páskana. DNA er bókin sem þættirnir byggja á.
Leynigesturinn eftir Nita Prose. Ekki trufla, hér er verið að leysa ráðgátu … Æsispennandi sjálfstætt framhald metsölubókarinnar Þernan.
Skammarkrókurinn eftir Sofie Sarenbrant. Sænskur krimmi eins og þeir gerast bestir. Sofie hefur þrívegis verið valin glæpasagnahöfundur ársins í Svíþjóð.
Heim fyrir myrkur eftir Evu Björgu Ægisdóttur. Æsispennandi glæpasaga sem hlaut Blóðdropann 2023 og var valin besta glæpasaga síðasta árs á Íslensku hljóðbókaverðlaununum.
Undirferli eftir Lone Theils. Lífið í Klitmøller hefur aldrei verið myrkara. Undirferli fylgir eftir hinni vinsælu Heimkomu um rannsóknarlögregluna Signe Brask.
Sannar sögur
Rokið í stofunni eftir Guðrúnu J. Magnúsdóttur. Hersetin Reykjavík árið 1942. Þrettán ára stúlka er handtekin og dæmd til dvalar á Kleppjárnsreykjum í Borgarfirði. Þar voru vistaðar stúlkur er gefið var að sök að hafa átt náið samneyti við erlent setulið í landinu. Söguleg skáldsaga eftir höfund Álfadals og byggir á sönnum frásögnum.
Bróðir minn í 75 pörtum eftir Sebastian Richelsen. Árið 2011 er Peter Richter Andersen myrtur í sumarbústað foreldra sinn. Líkið var bútað niður í 75 parta og dreift um lóðina. Bróðir hans var dæmdur sekur en heldur því enn fram að hann sé saklaus. Fylgstu með rannsókn eins hrottalegasta morðmáls Danmerkur.
Ég ætla að djamma þar til ég drepst eftir Ívar Örn Katrínarson. Ívar Örn, einnig þekktur sem tónlistarmaðurinn Dr. Mister, lenti ungur í óreglu og eiturlyfjaneyslu. Ívar opnar sig um hörkuna sem viðgengst í íslenskum undirheimum og hvernig hann vann sig út úr hörðum heimi handrukkunar og eiturlyfjasölu.
Útkall eftir Óttar Sveinsson. 30 ótrúlegar en sannar sögur. Útkallsbækurnar hafa verið eitthvert vinsælasta lesefni Íslendinga í áratugi. Hitaðu upp fyrir nýjustu söguna sem kemur út 23. apríl.
Morðin í Dillonshúsi eftir Sigríði Dúu Goldsworthy. Fyrir 70 árum gerðist hræðilegur harmleikur í Dillonshúsi í Reykjavík. Heimilisfaðirinn gaf eiginkonu sinni og þremur ungum börnum þeirra eitur og svipti svo sjálfan sig lífi. Í þessari bók er sögð saga þeirra sem við sögu komu. Sönn örlagasaga.
Gáfaða dýrið eftir Sæunni Kjartansdóttur. Hvernig stendur á því að við erum eins og við erum og gerum það sem við gerum? Sæunn Kjartansdóttir sálgreinir er einnig höfundur bókanna Árin sem engin man og Fyrstu 1000 dagarnir.
Hrífandi skáldsögur
Valskan eftir Nönnu Rögnvaldsdóttur. Söguleg skáldsaga um prestdótturina Völku. Valskan hefur notið mikilla vinsælda og var valin besta skáldsagan á Íslensku hljóðbókaverðlaununum 2025.
Nótt á mánaslóð eftir Birgittu H. Halldórsdóttur. Margbrotin og sígild saga um mæðgur sem gæddar eru óvenjulegum hæfileikum og ótrúleg örlög þeirra. Sagan gerist á Íslandi og Noregi og við hana fléttast óhugnanlegir samtímaviðburðir sem hafa hræðilegar afleiðingar í för með sér.
Bridde eftir Erlu S. Jensdóttur. Hrífandi skáldsaga sem veitir nýja sýn á liðna tíð og óður til allra þeirra sterku kvenna sem stóðu í fararbroddi kvenréttindabaráttu á Íslandi.
Biðlund eftir Nora Roberts. Rómantík og dulúð í þessari New York Times metsölubók í yndislegum lestri Anítu Briem. Nora Roberts er einn vinsælasti ástarsagnahöfundur Bandaríkjanna.
Æska eftir Tove Ditlevsen. Hluti af endurminningaþríleik einum merkari höfundum Danmerkur, Tove Ditlevsen. Verk hennar gefa einstaka innsýn í líf kvenna á 20. öld og eru nú lesnar sem sígildar bókmenntir.
Hjartabein eftir Colleen Hoover. Metsöluhöfundurinn Colleen Hoover hefur notið gríðarlegra vinsælda með bækur sínar Þessu lýkur hér, og Verity. Hjartabein er rómantísk og spennandi saga sem heldur þér til enda.
Páskaævintýri og skemmtilegri skjátími
Amma slær í gegn eftir Gunnar Helgason. Amma Köben snýr aftur AF KRAFTI! Stellubækurnar eftir Gunnar Helgason eru með vinsælustu barnabókunum á Storytel og hafa sópað til sín verðlaunum!
Kærókeppnin eftir Emblu Bachmann. Ungi rithöfundurinn Embla Bachman fylgir eftir frumraun sinni og verðlaunabókinni Stelpur stranglega bannaðar með nýrri sögu fyrir forvitna krakka.
Sveindís Jane - saga af stelpu í fótbolta. Sagan af því þegar Sveindís Jane, ein fremsta fótboltakona heims, fann fótboltann og uppgötvaði að hún hljóp hraðar en hinir á vellinum er leiftrandi skemmtileg og var valin barnabók ársins á Íslensku hljóðbókaverðlaununum 2025.
Nú er bara að hlusta, slaka á og njóta páskanna með góðri sögu.
Nýjustu fréttir
Konur áttu sviðið á Íslensku hljóðbókaverðlaununum
Mikil kvenorka var á Nasa þegar Íslensku hljóðbókaverðlaunin - Storytel Awards voru afhent, en í fyrsta sinn voru allir verðlaunahöfundar, verðlaunalesarar og heiðursverðlaunahafar konur Verðlaunin voru veitt í fimm flokkum: skáldsaga, ljúflestur og rómantík, börn og ungmenni, óskáldað efni og glæpa- og spennusaga.
Tilnefningar til Íslensku hljóðbókaverðlaunanna 2025
25 hljóðbækur hljóta tilnefningu til Íslensku hljóðbókaverðlaunanna - Storytel Awards 2025. Fimm hljóðbækur eru tilnefndar í fimm flokkum, en flokkarnir eru: börn og ungmenni, glæpa-og spennusögur, skáldsögur, ljúflestur og rómantík, og óskáldað efni.
Sögur Birgittu H. Halldórsdóttur hljóta endurnýjun lífdaga á Storytel!
Birgitta H. Halldórsdóttir skipar sér enn á ný í hóp ástsælustu skáldsagnahöfunda Íslands en bækur hennar hafa haldið fjölda lesenda í greipum spennu og losta, ástar og örlaga áratugum saman. Fyrsta bók hennar kom út árið 1983 en bækur hennar hafa verið ófáanlegar í bókabúðum um árabil. Storytel hefur nýverið endurútgefið fjölda bóka Birgittu sem hljóðbækur sem hafa raðað sér efstar á vinsældalista og hlotið gríðarlega góðar viðtökur og umsagnir hlustenda.
Kosning hafin fyrir Íslensku hljóðbókaverðlaunin
Veldu bestu hljóðbækur ársins!
Völundur og Brúðumeistarinn hljóta tilnefningu til Blóðdropans!
Storytel Original bækurnar Völundur eftir Steindór Ívarsson og Brúðumeistarinn eftir Óskar Guðmundsson hlutu tilnefningu til íslensku glæpasagnaverðlaunanna Blóðdropans 2024. Óskar hefur áður hlotið Blóðdropann fyrir bók sína Hilmu og Steindór hlaut í tilnefningu fyrir Blóðmeri 2023, en Völundur er seinni bókin í sömu seríu.
Emil Hjörvar lýkur þríleiknum Myrkaverk
Emil Hjörvar Petersen hefur sannað sig sem sagnameistari hins undarlega og óhugnanlega, með verkum á borð við Hælið, Ó, Karítas og bókaflokknum Handan Hulunnar um mæðgurnar Bergrúnu og Brá. Nýjasta bók hans, Náttfarar er hörkuspennandi, hrollvekjandi og dulmagnaður spennutryllir sem fylgir eftir hinum geysivinsælu Dauðaleit og Bannhelgi og lýkur þríleiknum Myrkraverk. Hér sem fyrr í frábærum lestri Hjartar Jóhanns Jónssonar.
Hrekkjavökur eftir Braga Pál og Bergþóru er fyrsta bók þeirra hjóna saman!
Hjónin Bergþóra Snæbjörnsdóttir og Bragi Páll Sigurðarson hafa um nokkuð skeið gefið út hvassar og hárbeittar skáldsögur og háðsádeilur. Hún skrifar til dæmis um fegurðardýrkun í nútímasamfélagi og hann skáldar upp ótímabæran dauðdaga Arnaldar Indriðasonar. En kvöld eitt þegar þau ætluðu að koma krökkunum í háttinn ráku þau sig á að börnin þeirra eru bara ekki hrædd við nokkurn skapaðan hlut og brugðu því á það ráð að reyna nú að skjóta þeim skelk í bringu. Þau ákváðu því að skrifa hrollvekjandi hrekkjavökusögur fyrir hugrökk börn.
Rót alls ills: ný rómantísk spennusaga eftir Hugrúnu Björnsdóttir
Rómantísk spennusaga þar sem glæpir, ástir og örlög fléttast saman og flett er ofan af gömlum fjölskylduleyndarmálum. Rót alls ills er fyrsta skáldsaga Hugrúnar Björnsdóttur. Hugrún er vefstjóri Lestrarklefans og starfar sem verkefnastjóri í hugbúnaðargeiranum. Hugrún er fædd 1988 og er menntuð í stjórnmálafræði, blaðamennsku, vefþróun og verkefnastjórnun. Yfirleitt er hún að lesa nokkrar bækur í senn; u.þ.b. þrjár fræðibækur fyrir hverja skáldsögu. Hvað varðar skáldsögurnar les hún mest af glæpasögum/ráðgátum og ástarsögum þó hún hafi gaman af allskonar bókmenntum.
